ದಕ್ಷಿಣ ಪೂರ್ವ ರೈಲ್ವೆಗೆ ₹200 ಕೋಟಿ ಡಿಜಿಟಲ್ ಬಲ; ಆಪ್ಟಿಕಲ್ ಫೈಬರ್ ಯೋಜನೆಗೆ ಭಾರತೀಯ ರೈಲ್ವೆ ಅನುಮೋದನೆ
ದಕ್ಷಿಣ ಪೂರ್ವ ರೈಲ್ವೆಯ ಡಿಜಿಟಲ್ ಸಂವಹನ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸುವ ಉದ್ದೇಶದಿಂದ ಸುಮಾರು ₹200 ಕೋಟಿ ವೆಚ್ಚದ 48-ಫೈಬರ್ ಆಪ್ಟಿಕಲ್ ಫೈಬರ್ ಕೇಬಲ್ (OFC) ಯೋಜನೆಗೆ ಭಾರತೀಯ ರೈಲ್ವೆ ಅನುಮೋದನೆ ನೀಡಿದೆ.
ಈ ಯೋಜನೆಯಡಿ ದಕ್ಷಿಣ ಪೂರ್ವ ರೈಲ್ವೆಯ ಸುಮಾರು 1,600 ಮಾರ್ಗ ಕಿಲೋಮೀಟರ್ ವ್ಯಾಪ್ತಿಯಲ್ಲಿ 48-ಫೈಬರ್ ಆಪ್ಟಿಕಲ್ ಫೈಬರ್ ಕೇಬಲ್ ಜಾಲವನ್ನು ಅಳವಡಿಸಲಾಗುತ್ತದೆ. ಈ ಕಾಮಗಾರಿ ಆದ್ರಾ, ಚಕ್ರಧರ್ಪುರ್, ಖರಗ್ಪುರ ಹಾಗೂ ರಾಂಚಿ ವಿಭಾಗಗಳನ್ನು ಒಳಗೊಂಡಿರಲಿದೆ.
ಯೋಜನೆಯಿಂದ ರೈಲ್ವೆಯ ಡಿಜಿಟಲ್ ಸಂವಹನ ಮೂಲಸೌಕರ್ಯ ಮತ್ತಷ್ಟು ಬಲಿಷ್ಠವಾಗಲಿದ್ದು, ಸುರಕ್ಷಿತ, ವೇಗವಾದ ಹಾಗೂ ತಂತ್ರಜ್ಞಾನ ಆಧಾರಿತ ರೈಲು ಕಾರ್ಯಾಚರಣೆಗೆ ಅಗತ್ಯ ಬೆಂಬಲ ದೊರೆಯಲಿದೆ.
ಇದರ ಜೊತೆಗೆ ಆಧುನಿಕ ರೈಲ್ವೆ ತಂತ್ರಜ್ಞಾನಗಳ ಅನುಷ್ಠಾನ, ಕಾರ್ಯಾಚರಣೆಯ ದಕ್ಷತೆ ಹೆಚ್ಚಳ ಹಾಗೂ ಭವಿಷ್ಯದಲ್ಲಿ ರೈಲ್ವೆ ಸಾಮರ್ಥ್ಯ ವಿಸ್ತರಣೆಗೆ ಅಗತ್ಯವಾದ ಡಿಜಿಟಲ್ ಮೂಲಸೌಕರ್ಯ ನಿರ್ಮಾಣಕ್ಕೂ ಈ ಯೋಜನೆ ನೆರವಾಗಲಿದೆ ಎಂದು ಭಾರತೀಯ ರೈಲ್ವೆ ತಿಳಿಸಿದೆ.
