ಕಾಮನ್ ವೆಲ್ತ್ ಕ್ರೀಡಾಕೂಟ: ಕೊನೆಗೂ ಅಹಮದಾಬಾದ್ ನಲ್ಲಿ 2030ರ ಕಾಮನ್ ವೆಲ್ತ್ ಕ್ರೀಡಾಕೂಟ ನಡೆಯುವುದು ಪಕ್ಕಾ ಆಗಿದೆ. ಈ ಬಗ್ಗೆ ಕಾಮನ್ ವೆಲ್ತ್ ಸ್ಪೋರ್ಟ್ಸ್ ನ ಕಾರ್ಯಕಾರಿ ಮಂಡಳಿಯೇ ದೃಢಪಡಿಸದ್ದು ಪ್ರತಿಷ್ಠಿತ ಕ್ರೀಡಾಕೂಟದ ಶತಮಾನೋತ್ಸವ ಸಂಭ್ರಮ ಇಲ್ಲೇ ನಡೆಯಲಿದೆ ಎಂದು ತಿಳಿಸಿದೆ. ನವೆಂಬರ್ 26ರಂದು ನಡೆಯಲಿರುವ ಕಾಮನ್ ವೆಲ್ತ್ ಸ್ಪೋರ್ಟ್ಸ್ ನ ಸಾಮಾನ್ಯ ಸಭೆಯಲ್ಲಿ ಅಧಿಕೃತ ಮಾಡಲು ಮಾತ್ರ ಬಾಕಿ ಉಳಿದಿದೆ. 2036ರ ಒಲಿಂಪಿಕ್ಸ್ ಗೆ ಬಿಡ್ ಸಲ್ಲಿಸಿರುವ ಭಾರತಕ್ಕೆ ಈ ಬೆಳವಣಿಗೆ ಆಶಾದಾಯಕವಾಗಿದೆ.
20 ವರ್ಷಗಳ ಬಳಿಕ ಭಾರತದಲ್ಲಿ ಪ್ರತಿಷ್ಠಿತ ಕಾಮನ್ ವೆಲ್ತ್ ಗೇಮ್ಸ್ ನಡೆಯುವುದು ಪಕ್ಕಾ ಆಗಿದೆ. ಗುಜರಾತ್ ರಾಜ್ಯನ ಅಹಮದಾಬಾದ್ ನಗರವು 2030ಕ್ಕೆ ಕಾಮನ್ವೆಲ್ತ್ ಗೇಮ್ಸ್ಗೆ ಆತಿಥ್ಯ ವಹಿಸಲು ಕಾಮನ್ವೆಲ್ತ್ ಸ್ಪೋರ್ಟ್ನ ಕಾರ್ಯಕಾರಿ ಮಂಡಳಿ ನಿರ್ಧಾರ ಮಾಡಿದೆ. ಈ ನಿಟ್ಟಿನಲ್ಲಿ ಭಾರತದೊಂದಿಗೆ ಸ್ಪರ್ಧೆಗೆ ಬಿದ್ದಿದ್ದ ನೈಜೀರಿಯಾದ ಅಬುಜಾವನ್ನು ಹಿಂದಿಕ್ಕಿರುವ ಭಾರತದ ಅಹಮದಾಬಾದ್ಗೆ ಕಾರ್ಯಕಾರಿ ಮಂಡಳಿ ಗೌರವವನ್ನು ಶಿಫಾರಸು ಮಾಡಿದೆ. ಗ್ಲಾಸ್ಗೋದಲ್ಲಿ ನವೆಂಬರ್ 26ರಂದು ನಡೆಯಲಿರುವ ಕಾಮನ್ವೆಲ್ತ್ ಸ್ಪೋರ್ಟ್ ಸಾಮಾನ್ಯ ಸಭೆಯಲ್ಲಿ ಅಹಮದಾಬಾದ್ ಅನ್ನು ಅಧಿಕೃತವಾಗಿ ಆತಿಥೇಯ ನಗರವೆಂದು ದೃಢೀಕರಿಸಲಾಗುತ್ತದೆ.
ಈ ಬಗ್ಗೆ ಮಾತನಾಡಿದ ಕಾಮನ್ವೆಲ್ತ್ ಸ್ಪೋರ್ಟ್ನ ಹಂಗಾಮಿ ಅಧ್ಯಕ್ಷ ಡೊನಾಲ್ಡ್ ರುಕಾರೆ “2030ರ ಕಾಮನ್ವೆಲ್ತ್ ಗೇಮ್ಸ್ಗೆ ಆತಿಥ್ಯ ವಹಿಸಲು ತಮ್ಮ ಪ್ರಸ್ತಾವನೆಗಳನ್ನು ಅಭಿವೃದ್ಧಿಪಡಿಸುವಲ್ಲಿ ದೂರದೃಷ್ಟಿ ಮತ್ತು ಬದ್ಧತೆಯನ್ನು ತೋರಿಸಿದ ಭಾರತ ಮತ್ತು ನೈಜೀರಿಯಾ ಎರಡಕ್ಕೂ ನಾವು ಕೃತಜ್ಞರಾಗಿದ್ದೇವೆ. ಎರಡೂ ಪ್ರಸ್ತಾವನೆಗಳು ಸ್ಫೂರ್ತಿದಾಯಕವಾಗಿದ್ದವು, ನಮ್ಮ ಕಾಮನ್ವೆಲ್ತ್ ಕುಟುಂಬದೊಳಗಿನ ಅವಕಾಶದ ಪ್ರಮಾಣವನ್ನು ಪ್ರತಿಬಿಂಬಿಸುತ್ತವೆ. ಕಾರ್ಯಕಾರಿ ಮಂಡಳಿಯು ಮೌಲ್ಯಮಾಪನ ಸಮಿತಿಯ ತೀರ್ಮಾನಗಳನ್ನು ಎಚ್ಚರಿಕೆಯಿಂದ ಪರಿಗಣಿಸಿದೆ ಮತ್ತು ನಮ್ಮ ಸದಸ್ಯರಿಗೆ ಅಹಮದಾಬಾದ್ ಅನ್ನು ಶಿಫಾರಸು ಮಾಡುತ್ತಿದೆ” ಎಂದಿದ್ದಾರೆ.
ಜೊತೆಗೆ “ನಮ್ಮ ಶತಮಾನೋತ್ಸವ ಗೇಮ್ಸ್ಗಳನ್ನು ಎದುರುನೋಡುತ್ತಿರುವ ಈ ಚಳವಳಿಗೆ ಇದು ಒಂದು ಮಹತ್ವದ ಮೈಲಿಗಲ್ಲು, ಮತ್ತು ನಮ್ಮ ಸದಸ್ಯರು ಅಂತಿಮ ನಿರ್ಧಾರ ತೆಗೆದುಕೊಳ್ಳಲಿರುವ ಗ್ಲಾಸ್ಗೋದಲ್ಲಿನ ಸಾಮಾನ್ಯ ಸಭೆಯನ್ನು ನಾವು ಈಗ ಎದುರುನೋಡುತ್ತಿದ್ದೇವೆ. ನೈಜೀರಿಯಾದ ಪ್ರಸ್ತಾವನೆಯ ದೂರದೃಷ್ಟಿ ಮತ್ತು ಮಹತ್ವಾಕಾಂಕ್ಷೆಯಿಂದ ಮಂಡಳಿಯು ಪ್ರಭಾವಿತವಾಗಿದೆ ಮತ್ತು ಅವರ ತಂಡದೊಂದಿಗೆ ಭವಿಷ್ಯದ ಆತಿಥ್ಯ ಅವಕಾಶಗಳನ್ನು ಅನ್ವೇಷಿಸಲು ಕೆಲಸ ಮಾಡುವುದಕ್ಕೆ ನಾವು ನಮ್ಮ ಬದ್ಧತೆಯನ್ನು ದೃಢಪಡಿಸಿದ್ದೇವೆ. ಈ ನಿರ್ಧಾರವು ಕಾಮನ್ವೆಲ್ತ್ ಗೇಮ್ಸ್ ಅನ್ನು ಆಫ್ರಿಕಾ ಖಂಡಕ್ಕೆ ಕೊಂಡೊಯ್ಯುವ ನಮ್ಮ ನಿರ್ಣಯವನ್ನು ಪ್ರತಿಬಿಂಬಿಸುತ್ತದೆ,” ಎಂದು ಸಹ ತಿಳಿಸಿದ್ದಾರೆ.
ಕಾಮನ್ ವೆಲ್ತ್ ಶತಮಾನೋತ್ಸವ
1930ರಲ್ಲಿ ಕೆನಡಾದ ಹ್ಯಾಮಿಲ್ಟನ್ ನಲ್ಲಿ ಮೊದಲ ಬಾರಿಗೆ ಕಾಮನ್ ವೆಲ್ತ್ ಗೇಮ್ಸ್ ಅನ್ನು ಆಯೋಜಿಸಲಾಗಿತ್ತು. ಅಂದರೆ 2030ಕ್ಕೆ ಸರಿಯಾಗಿ 100 ವರ್ಷವಾಗುತ್ತದೆ. ಹೀಗಾಗಿ ಆಹಮದಾಬಾದ್ ನ ಮಲ್ಲಿ ಕಾಮನ್ ವೆಲ್ತ್ ನ
ಶತಮಾನೋತ್ಸವ ಸಂಭ್ರಮಾಚರಣೆ ನಡೆಯಲಿದೆ. ಈ ಹಿಂದೆ 2000ದಲ್ಲಿ ರಾಷ್ಟ್ರರಾಜಧಾನಿ ಹೊಸದಿಲ್ಲಿಯಲ್ಲಿ ಕಾಮನ್ವೆಲ್ತ್ ಗೇಮ್ಸ್ ನಡೆದಿತ್ತು. ಅದಾಗಿ 20 ವರ್ಷಗಳ ಬಳಿಕ ಮತ್ತೆ ಈ ಪ್ರತಿಷ್ಠಿತ ಕ್ರೀಡಾಕೂಟವನ್ನು ಭಾರತವು ಆಯೋಜಿಸುತ್ತಿದೆ.
ಮತ್ತೊಂದು ಸಂಗತಿಯೆಂದರೆ ಅಹಮದಾಬಾದ್ ನಲ್ಲಿ 2036ರ ಒಲಿಂಪಿಕ್ಸ್ ಆಯೋಜನೆಗೂ ಭಾರತ ಪ್ರಯತ್ನಿಸುತ್ತಿದೆ. ಭಾರತ ಇದುವರೆಗೆ ಒಲಿಂಪಿಕ್ಸ್ ಕ್ರೀಡಾಕೂಟವನ್ನು ಆಯೋಜಿಸಿಯೇ ಇಲ್ಲ. 2010ರ ಕಾಮನ್ವೆಲ್ತ್ ಗೇಮ್ಸ್ ಅನ್ನು ಹೊರತುಪಡಿಸಿದರೆ ಭಾರತ ಕೇವಲ ಎರಡು ಪ್ರಮುಖ ಬಹುರಾಷ್ಟ್ರೀಯ ಕ್ರೀಡಾಕೂಟಗಳನ್ನು ಆಯೋಜಿಸಿದೆ. 1951ರಲ್ಲಿ ನಡೆದ ಮೊದಲ ಏಷ್ಯನ್ ಗೇಮ್ಸ್ ಮತ್ತು 1982ರಲ್ಲಿ ನಡೆದ ಏಷ್ಯನ್ ಗೇಮ್ಸ್ಗಳು ಹೊಸದಿಲ್ಲಿಯಲ್ಲಿ ಆಯೋಜಿಸಲ್ಪಟ್ಟಿತ್ತು. ಈ ನಿಟ್ಟಿನಲ್ಲಿ ನೋಡಿದರೆ ಹೊಸದಿಲ್ಲಿಯನ್ನು ಹೊರತುಪಡಿಸಿದರೆ ಕ್ರೀಡಾಕೂಟವೊಂದು ದಿಲ್ಲಿಯಿಂದ ಹೊರಗಡೆ ನಡೆಯುತ್ತಿರುವುದು ಇದೇ ಮೊದಲಾಗಿದೆ. ಈ ನಿಟ್ಟಿನಲ್ಲೂ ಇದು ಮಹತ್ವದ್ದಾಗಿದೆ.
ಅಹಮದಾಬಾದ್ ಲ್ಲಿ ಏಲ್ಲಿ ಕ್ರೀಡಾಕೂಟ?
ಅಹಮದಾಬಾದ್ ನ ನರೇಂದ್ರ ಮೋದಿ ಕ್ರೀಡಾಂಗಣವು ವಿಶ್ವದ ಅತಿದೊಡ್ಡ ಕ್ರಿಕೆಟ್ ಕ್ರೀಡಾಂಗಣವಾಗಿದೆ. ಸುಮಾರು 1,30,000 ಸಾಮರ್ಥ್ಯದ ಈ ಕ್ರೀಡಾಂಗಣದಲ್ಲಿ ಉದ್ಘಾಟನೆ ಮತ್ತು ಸಮಾರೋಪ ಸಮಾರಂಭಗಳನ್ನು ಆಯೋಜಿಸುವ ಸಾಧ್ಯತೆಯಿದೆ. ಈ ಐಕಾನಿಕ್ ಕ್ರೀಡಾಂಗಣದ ಸುತ್ತಮುತ್ತ, ‘ಸರ್ದಾರ್ ಪಟೇಲ್ ಎನ್ಕ್ಲೇವ್’ ಎಂಬ ಬಹು-ಕ್ರೀಡಾ ಸೌಲಭ್ಯವನ್ನು ನಿರ್ಮಿಸಲಾಗುತ್ತಿದೆ. ಇದು ಪ್ರಸ್ತುತ ನಿರ್ಮಾಣ ಹಂತದಲ್ಲಿದ್ದು ಈ ಸಂಕೀರ್ಣದಲ್ಲಿ ಪ್ರತ್ಯೇಕ ಫುಟ್ಬಾಲ್ ಕ್ರೀಡಾಂಗಣ, ಕ್ರೀಡಾಪಟುಗಳ ವಸತಿ, ಟೆನಿಸ್ ಅರೇನಾ, ಅಕ್ವಾಟಿಕ್ಸ್ ಕೇಂದ್ರ ಮತ್ತು ಬಹು-ಕ್ರೀಡಾ ಒಳಾಂಗಣ ಕ್ರೀಡಾಂಗಣ ಇರಲಿನೆ. ಇದಲ್ಲದೆ, ‘ವೀರ ಸಾವರ್ಕರ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್’ ಅನ್ನು ಈ ವರ್ಷದ ಆರಂಭಲ್ಲಿ ಲೋಕಾರ್ಪಣೆ ಮಾಡಲಾಗಿದೆ. ಇದನ್ನು ದೇಶದ ಅತಿದೊಡ್ಡ ಕ್ರೀಡಾ ಸಂಕೀರ್ಣವಾಗಿದೆ. ಭಾರತಕ್ಕೆ ಅಧಿಕೃತ ಅನುಮೋದನೆ ದೊರೆತ ನಂತರವೇ ಇದರ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಲಿದೆ.
