ಅಹಮದಾಬಾದ್: ಗುಜರಾತ್ ರಾಜ್ಯ ಚುನಾವಣಾ ಆಯೋಗವು ವಿವಿಧ ಸ್ಥಳೀಯ ಸ್ವರಾಜ್ಯ ಸಂಸ್ಥೆಗಳ 15 ಖಾಲಿ ಸ್ಥಾನಗಳಿಗೆ ನಡೆಯಲಿರುವ ಉಪಚುನಾವಣೆಯ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ಜುಲೈ 28ರಂದು ಮತದಾನ ನಡೆಯಲಿದ್ದು, ಜುಲೈ 30ರಂದು ಮತ ಎಣಿಕೆ ನಡೆಯಲಿದೆ.
ಅಧಿಕೃತ ಪ್ರಕಟಣೆಯ ಪ್ರಕಾರ, ಜುನಾಗಢ ಮಹಾನಗರ ಪಾಲಿಕೆಯ ಒಂದು ಸ್ಥಾನ, ದೇವಗಢ್ ಬರಿಯಾ ಮತ್ತು ವಿಸನಗರ ನಗರಸಭೆಗಳ ಒಟ್ಟು ಏಳು ಸ್ಥಾನಗಳು, ಆಣಂದ ಜಿಲ್ಲಾ ಪಂಚಾಯಿತಿಯ ಒಂದು ಸ್ಥಾನ, ಹಾಗೂ ಹಲ್ವಾಡ್, ಪೋಶಿನಾ, ಸತ್ಲಾಸನಾ, ಹರಿಜ್, ನೇತ್ರಾಂಗ್ ಮತ್ತು ಫಾಗ್ವೇಲ್ ತಾಲ್ಲೂಕು ಪಂಚಾಯಿತಿಗಳ ಆರು ಸ್ಥಾನಗಳಿಗೆ ಉಪಚುನಾವಣೆ ನಡೆಯಲಿದೆ.
ನಾಮಪತ್ರ ಸಲ್ಲಿಸಲು ಜುಲೈ 14 ಕೊನೆಯ ದಿನವಾಗಿದೆ.
ಜಿಲ್ಲಾ ಪಂಚಾಯಿತಿ ಹಾಗೂ ತಾಲ್ಲೂಕು ಪಂಚಾಯಿತಿ ಸ್ಥಾನಗಳಿಗೆ ಸಲ್ಲಿಸಿದ ನಾಮಪತ್ರಗಳನ್ನು ಜುಲೈ 16ರವರೆಗೆ ಹಿಂಪಡೆಯಲು ಅವಕಾಶ ನೀಡಲಾಗಿದೆ. ಮಹಾನಗರ ಪಾಲಿಕೆ ಮತ್ತು ನಗರಸಭೆ ಸ್ಥಾನಗಳಿಗೆ ಜುಲೈ 17 ನಾಮಪತ್ರ ಹಿಂಪಡೆಯಲು ಕೊನೆಯ ದಿನವಾಗಿದೆ.
