ನವದೆಹಲಿ: ರಾಷ್ಟ್ರೀಯ ರಾಜಧಾನಿ ದೆಹಲಿಯಲ್ಲಿ ಭದ್ರತಾ ಕಾರಣಗಳಿಂದ ದೆಹಲಿ ಮೆಟ್ರೋ ರೈಲು ನಿಗಮ (DMRC) ಇಂದಿನಿಂದ ಬೆಳಿಗ್ಗೆ 7.30 ಗಂಟೆಯಿಂದ ಜಾರಿಗೆ ಬರುವಂತೆ 17 ಮೆಟ್ರೋ ನಿಲ್ದಾಣಗಳನ್ನು ಮುಂದಿನ ಆದೇಶದವರೆಗೆ ತಾತ್ಕಾಲಿಕವಾಗಿ ಮುಚ್ಚಲಾಗಿದೆ ಎಂದು ಪ್ರಕಟಿಸಿದೆ.
ಮುಚ್ಚಲಾಗಿರುವ ಮೆಟ್ರೋ ನಿಲ್ದಾಣಗಳು ಇವು:
- ಲೋಕ ಕಲ್ಯಾಣ ಮಾರ್ಗ್
- ರಾಜೀವ್ ಚೌಕ್
- ಪಟೇಲ್ ಚೌಕ್
- ರಾಮಕೃಷ್ಣ ಆಶ್ರಮ ಮಾರ್ಗ್
- ಬರಾಖಂಬಾ ರಸ್ತೆ
- ಸುಪ್ರೀಂ ಕೋರ್ಟ್
- ಸೇವಾ ತೀರ್ಥ್
- ಜನಪಥ್
- ಝಂಡೇವಾಲನ್
- ಮಂಡಿ ಹೌಸ್
- ಸೆಂಟ್ರಲ್ ಸೆಕ್ರೆಟೇರಿಯಟ್
- ಐಟಿಒ
- ದೆಹಲಿ ಗೇಟ್
- ಇಂದ್ರಪ್ರಸ್ಥ
- ಖಾನ್ ಮಾರ್ಕೆಟ್
- ಜೋರ್ ಬಾಗ್
- ಶಿವಾಜಿ ಸ್ಟೇಡಿಯಂ
ಆದರೆ ರಾಜೀವ್ ಚೌಕ್, ಮಂಡಿ ಹೌಸ್ ಹಾಗೂ ಸೆಂಟ್ರಲ್ ಸೆಕ್ರೆಟೇರಿಯಟ್ ನಿಲ್ದಾಣಗಳಲ್ಲಿ ಇಂಟರ್ಚೇಂಜ್ (ಮಾರ್ಗ ಬದಲಾವಣೆ) ಸೌಲಭ್ಯ ಎಂದಿನಂತೆ ಲಭ್ಯವಿರುತ್ತದೆ ಎಂದು DMRC ಸ್ಪಷ್ಟಪಡಿಸಿದೆ.
ಭದ್ರತಾ ಪರಿಸ್ಥಿತಿಯನ್ನು ಪರಿಶೀಲಿಸಿದ ಬಳಿಕ ಮುಂದಿನ ಆದೇಶ ಹೊರಡಿಸಲಾಗುವುದು ಎಂದು DMRC ತಿಳಿಸಿದೆ.
