MECONಗೆ ಮಿನಿರತ್ನ ಕ್ಯಾಟಗರಿ-1 ಸ್ಥಾನಮಾನ; ಉಕ್ಕು ಸಚಿವಾಲಯದಿಂದ ಅಧಿಕೃತ ಅನುಮೋದನೆ
ಕೇಂದ್ರ ಉಕ್ಕು ಸಚಿವಾಲಯದ ಆಡಳಿತ ವ್ಯಾಪ್ತಿಯಲ್ಲಿರುವ ‘ಎ’ ಶ್ರೇಣಿಯ ಕೇಂದ್ರ ಸಾರ್ವಜನಿಕ ವಲಯದ ಸಂಸ್ಥೆ (CPSE) MECON ಲಿಮಿಟೆಡ್ಗೆ ಮಿನಿರತ್ನ ಕ್ಯಾಟಗರಿ-1 ಸ್ಥಾನಮಾನವನ್ನು ಕೇಂದ್ರ ಸರ್ಕಾರ ಮಂಜೂರು ಮಾಡಿದೆ.
ಕಳೆದ ಕೆಲವು ವರ್ಷಗಳಲ್ಲಿ MECON ಗಮನಾರ್ಹ ಆರ್ಥಿಕ ಸಾಧನೆ ದಾಖಲಿಸಿದ್ದು, ಸತತವಾಗಿ ಮೂರು ಹಣಕಾಸು ವರ್ಷಗಳಲ್ಲಿ ಲಾಭ ಗಳಿಸಿದೆ. ಅಲ್ಲದೆ, 2026ರ ಮಾರ್ಚ್ 31ರ ವೇಳೆಗೆ ಸಂಸ್ಥೆಯ ನಿವ್ವಳ ಮೌಲ್ಯ (Net Worth) ₹535 ಕೋಟಿಗೂ ಅಧಿಕ ದಾಖಲಾಗಿದ್ದು, ಮಿನಿರತ್ನ ಕ್ಯಾಟಗರಿ-1 ಸ್ಥಾನಮಾನಕ್ಕೆ ಸಾರ್ವಜನಿಕ ಉದ್ದಿಮೆಗಳ ಇಲಾಖೆ (DPE) ನಿಗದಿಪಡಿಸಿರುವ ಅರ್ಹತಾ ಮಾನದಂಡಗಳನ್ನು ಯಶಸ್ವಿಯಾಗಿ ಪೂರೈಸಿದೆ.
ಈ ಸ್ಥಾನಮಾನದಿಂದ MECONಗೆ ಹೂಡಿಕೆ, ವ್ಯವಹಾರ ವಿಸ್ತರಣೆ ಹಾಗೂ ಆಡಳಿತಾತ್ಮಕ ನಿರ್ಧಾರಗಳಲ್ಲಿ ಹೆಚ್ಚಿನ ಸ್ವಾಯತ್ತತೆ ದೊರೆಯಲಿದ್ದು, ಸಂಸ್ಥೆಯ ಕಾರ್ಯಕ್ಷಮತೆ ಮತ್ತು ಸ್ಪರ್ಧಾತ್ಮಕ ಸಾಮರ್ಥ್ಯವನ್ನು ಇನ್ನಷ್ಟು ಬಲಪಡಿಸುವ ನಿರೀಕ್ಷೆಯಿದೆ.
ಉಕ್ಕು ಕ್ಷೇತ್ರದ ಪ್ರಮುಖ ಸಾರ್ವಜನಿಕ ಸಂಸ್ಥೆಯಾಗಿರುವ MECON, ಇಂಜಿನಿಯರಿಂಗ್, ಸಲಹಾ ಸೇವೆಗಳು, ಯೋಜನೆ ರೂಪಣೆ ಹಾಗೂ ಮೂಲಸೌಕರ್ಯ ಅಭಿವೃದ್ಧಿ ಕ್ಷೇತ್ರಗಳಲ್ಲಿ ದೇಶದ ಕೈಗಾರಿಕಾ ಬೆಳವಣಿಗೆಗೆ ಮಹತ್ವದ ಕೊಡುಗೆ ನೀಡುತ್ತಿದೆ.
