ಫಿಫಾ ವಿಶ್ವಕಪ್: ದಕ್ಷಿಣ ಆಫ್ರಿಕಾವನ್ನು ಮಣಿಸಿದ ಕೆನಡಾ, ನಾಕ್ಔಟ್ ಹಂತದಲ್ಲಿ ಐತಿಹಾಸಿಕ ಗೆಲುವು
ಫಿಫಾ ವಿಶ್ವಕಪ್ ನಾಕ್ಔಟ್ ಹಂತದ ಪಂದ್ಯದಲ್ಲಿ ಸಹ ಆತಿಥೇಯ ಕೆನಡಾ 1-0 ಗೋಲುಗಳ ಅಂತರದಿಂದ ದಕ್ಷಿಣ ಆಫ್ರಿಕಾವನ್ನು ಮಣಿಸಿ ಐತಿಹಾಸಿಕ ಗೆಲುವು ದಾಖಲಿಸಿದೆ. ಅಮೆರಿಕದ ಲಾಸ್ ಏಂಜಲೀಸ್ನಲ್ಲಿ ನಡೆದ ಪಂದ್ಯದಲ್ಲಿ ಹೆಚ್ಚುವರಿ ಸಮಯದ ಕೊನೆಯ ಕ್ಷಣದಲ್ಲಿ ದಾಖಲಾದ ಗೋಲು ಕೆನಡಾಗೆ ಅಮೂಲ್ಯ ಜಯ ತಂದುಕೊಟ್ಟಿತು.
ಪಂದ್ಯದ ದ್ವಿತೀಯಾರ್ಧದ ಹೆಚ್ಚುವರಿ ಸಮಯದ ಎರಡನೇ ನಿಮಿಷದಲ್ಲಿ ಕೆನಡಾದ ಸ್ಟೀಫನ್ ಯೂಸ್ಟಾಕ್ವಿಯೊ (Stephen Eustáquio) ನಿರ್ಣಾಯಕ ಗೋಲು ಬಾರಿಸಿ ತಂಡವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ದರು.
ಕೊನೆಯ ಕ್ಷಣಗಳಲ್ಲಿ ಕೆನಡಾದ ರಕ್ಷಣಾ ಆಟಗಾರರು ಅತ್ಯುತ್ತಮ ಪ್ರದರ್ಶನ ನೀಡಿ ದಕ್ಷಿಣ ಆಫ್ರಿಕಾಗೆ ಸಮಬಲ ಸಾಧಿಸುವ ಅವಕಾಶ ನೀಡಲಿಲ್ಲ. ಈ ಗೆಲುವಿನೊಂದಿಗೆ ಕೆನಡಾ ಮುಂದಿನ ನಾಕ್ಔಟ್ ಪಂದ್ಯದಲ್ಲಿ ನೆದರ್ಲೆಂಡ್ಸ್ ಅಥವಾ ಮೊರಾಕ್ಕೊ ತಂಡವನ್ನು ಎದುರಿಸಲಿದೆ.
ಗುಂಪು ಹಂತದ ಬಳಿಕ ಉಳಿದಿರುವ 32 ತಂಡಗಳೊಂದಿಗೆ ಫಿಫಾ ವಿಶ್ವಕಪ್ 2026ರ ನಾಕ್ಔಟ್ ಹಂತ ಅಧಿಕೃತವಾಗಿ ಆರಂಭವಾಗಿದ್ದು, ಇನ್ನು ಮುಂದೆ ಪ್ರತಿಯೊಂದು ಪಂದ್ಯವೂ ‘ಮಾಡು ಇಲ್ಲವೇ ಮಡಿ’ ಸ್ವರೂಪದಲ್ಲಿ ನಡೆಯಲಿದೆ. ವಿಶ್ವಕಪ್ ಫೈನಲ್ ಪಂದ್ಯ ಜುಲೈ 19, 2026ರಂದು ನಡೆಯಲಿದೆ.
