ಭಾರತದ ಮುಖ್ಯ ನ್ಯಾಯಮೂರ್ತಿ ಸೂರ್ಯಕಾಂತ್ ಅವರು ತಂತ್ರಜ್ಞಾನ ಮಾನವ ನಿರ್ಣಯಕ್ಕೆ ಪರ್ಯಾಯವಾಗಬಾರದು, ಬದಲಿಗೆ ಅದನ್ನು ಬಲಪಡಿಸಬೇಕು ಎಂದು ಸ್ಪಷ್ಟಪಡಿಸಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ಸಮ್ಮೇಳನದಲ್ಲಿ ಮಾತನಾಡಿದ ಅವರು, ಕೋವಿಡ್-19 ಮಹಾಮಾರಿಯ ಸಂದರ್ಭದಲ್ಲಿ ತಂತ್ರಜ್ಞಾನ ಮಹತ್ವದ ಸೇತುವೆಯಂತೆ ಕೆಲಸ ಮಾಡಿದರೂ, ಅದರ ನೆರಳಿನ ಭಾಗವನ್ನೂ ಮರೆತರೆ ಅವಾಂತರಗಳು ಉಂಟಾಗಬಹುದು ಎಂದು ಎಚ್ಚರಿಸಿದರು.
ಸಿಜೆಐ ಸೂರ್ಯಕಾಂತ್ ಹೇಳಿದರು:
“ತಂತ್ರಜ್ಞಾನ ಎಲ್ಲರನ್ನು ಒಳಗೊಳ್ಳುವಂತಾಗಬೇಕು. ಬಡವರು, ವಯೋವೃದ್ಧರು ಅಥವಾ ಡಿಜಿಟಲ್ ಜ್ಞಾನವಿಲ್ಲದವರನ್ನು ಹಿಂದೆ ಬಿಟ್ಟು ಹೋಗುವ ಯಾವುದೇ ಸುಧಾರಣೆ ಸುಧಾರಣೆ ಅಲ್ಲ — ಅದು ಹಿಂದೇಟು.” ಅವರು ನ್ಯಾಯಾಂಗದಲ್ಲಿ ತಂತ್ರಜ್ಞಾನವು ‘ನ್ಯಾಯಕ್ಕೆ ಸೇವಕ, ಪರ್ಯಾಯವಲ್ಲ’ ಆಗಿರಬೇಕೆಂದು ಮತ್ತೊಮ್ಮೆ ಒತ್ತಿ ಹೇಳಿದರು.
ನ್ಯಾಯಾಲಯಗಳಲ್ಲಿ ಪ್ರಕರಣಗಳ ಬಾಕ್ಲಾಗ್ ಕುರಿತು ಮಾತನಾಡಿದ ಅವರು, ಟ್ರಯಲ್ ಕೋರ್ಟ್ನಿಂದ ಸಂವಿಧಾನ ಬೆಂಚ್ವರೆಗೂ ಅಡಕೆ ಇದ್ದು, ಇದು ನ್ಯಾಯ ವ್ಯವಸ್ಥೆಯ ಎಲ್ಲಾ ಹಂತಗಳನ್ನು ಒತ್ತಡಕ್ಕೆ ಒಳಪಡಿಸಿದೆ ಎಂದು ಅಭಿಪ್ರಾಯಪಟ್ಟರು.
ADR ಹಾಗೂ ಮಡಿಯೇಶನ್ ನ್ಯಾಯಕ್ಕೆ ವೇಗ ನೀಡಬಹುದು
ತಾವು ನ್ಯಾಯಾಂಗದಲ್ಲಿ ಕಂಡ ಅನುಭವ ಹಂಚಿಕೊಂಡ ಸಿಜೆಐ ಸೂರ್ಯಕಾಂತ್, ಪರ್ಯಾಯ ವಿವಾದ ಪರಿಹಾರ (ADR)— ವಿಶೇಷವಾಗಿ ಮಧ್ಯಸ್ಥಿಕೆ (Mediation) — ಬಾಕಿ ಪ್ರಕರಣಗಳನ್ನು ಕಡಿಮೆ ಮಾಡಲು ತಕ್ಷಣದ ಪರಿಹಾರವಾಗಬಹುದು ಎಂದು ಹೇಳಿದರು.
ಅವರು ಉದಾಹರಣೆಯಾಗಿ ಲೋಕ ಅದಾಲತ್ ವ್ಯವಸ್ಥೆಯನ್ನು ಉಲ್ಲೇಖಿಸಿ, ರಾಷ್ಟ್ರೀಯ ಲೋಕ ಅದಾಲತ್ ಅಭಿಯಾನಗಳಲ್ಲಿ ಇದು ಅತ್ಯಂತ ಯಶಸ್ವಿ ಮತ್ತು ಜಗತ್ತಿನಲ್ಲಿಯೇ ಸ್ಥಳೀಯ ಮಟ್ಟದಲ್ಲಿ ಪರಿಣಾಮಕಾರಿ ನ್ಯಾಯ ಮಾದರಿಗಳಲ್ಲಿ ಒಂದಾಗಿದೆ ಎಂದು ಅಭಿಪ್ರಾಯಪಟ್ಟರು.
