ದೆಹಲಿ: ಕಳೆದ ಐದು ದಿನಗಳಿಂದ ಇಂಡಿಗೋ ಏರ್ಲೈನ್ಸ್ ಕಾರ್ಯಾಚರಣೆಯಲ್ಲಿ ಉಂಟಾದ ಗೊಂದಲದಿಂದ ಸಾವಿರಾರು ಪ್ರಯಾಣಿಕರು ಸಂಕಷ್ಟ ಎದುರಿಸುತ್ತಿರುವ ಹಿನ್ನೆಲೆಯಲ್ಲಿ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ (DGCA) ಕಠಿಣ ಕ್ರಮ ಕೈಗೊಂಡಿದೆ. ಕಂಪನಿಯ ಸಿಇಓ ಪೀಟರ್ ಎಲ್ಬರ್ಸ್ ಹಾಗೂ ಜವಾಬ್ದಾರ ಅಧಿಕಾರಿ ಈಸಿಡ್ರೋ ಪೋರ್ಕ್ವರಾಸ್ ಅವರಿಗೆ 24 ಗಂಟೆಯೊಳಗೆ ಕಾರಣಪತ್ರಕ್ಕೆ ಉತ್ತರ ನೀಡುವಂತೆ ನಿರ್ದೇಶಿಸಲಾಗಿದೆ.
ಹೊಸಂತೆ ಜಾರಿಗೆ ಬಂದಿರುವ Flight Duty Time Limit (FDTL) ನಿಯಮಾವಳಿಗಳಿಗೆ ಅಗತ್ಯ ಸಿದ್ದತೆ ಮಾಡಿಕೊಳ್ಳುವುದರಲ್ಲಿ ಇಂಡಿಗೋ ವಿಫಲವಾದುದು ಈ ಅವ್ಯವಸ್ಥೆಗೆ ಪ್ರಮುಖ ಕಾರಣವೆಂದು DGCA ಆರೋಪಿಸಿದೆ. ಸಂಸ್ಥೆಯ ಯೋಜನೆ, ಮೇಲ್ವಿಚಾರಣೆ ಮತ್ತು ಸಂಪನ್ಮೂಲ ನಿರ್ವಹಣೆಯಲ್ಲಿ ಗಂಭೀರ ದೋಷವಾಗಿದೆ ಎಂದು ರೆಗುಲೇಟರಿ ಸಂಸ್ಥೆ ಸೂಚಿಸಿದೆ.
ಇದರ ನಡುವೆಯೇ ನಾಗರಿಕ ವಿಮಾನಯಾನ ಸಚಿವ ಕಿರಣ್ ರಾಮಮೋಹನ್ ನಾಯಕರು, ಸಚಿವಾಲಯದ ಹಿರಿಯ ಅಧಿಕಾರಿಗಳೊಂದಿಗೆ ಇಂಡಿಗೋ ಉನ್ನತಾಧಿಕಾರಿಗಳನ್ನು ಕರೆಯಿಸಿಕೊಂಡು ಪರಿಸ್ಥಿತಿ ಪರಿಶೀಲನೆ ನಡೆಸಿದ್ದಾರೆ.
ಐದು ದಿನಗಳಿಂದ ನಿರಂತರವಾಗಿ ವಿಮಾನ ರದ್ದುಗೊಂಡ ಹಿನ್ನೆಲೆಯಲ್ಲಿ ಪ್ರಯಾಣಿಕರಲ್ಲಿ ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಈ ಸಂಕಷ್ಟವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಪಿಟಿಕೆ ತೆಗೆದುಕೊಂಡಿದ್ದು —
• ಟಿಕೆಟ್ ದರಕ್ಕೆ ಕಠಿಣ ನಿಯಂತ್ರಣ
• ತಡವಾದರೆ ತಕ್ಷಣ ಹಣ ಹಿಂತಿರುಗಿಸುವಂತೆ ಸೂಚನೆ
• ನಿಯಮ ಉಲ್ಲಂಘನೆ ಮಾಡಿದರೆ ಕಾನೂನು ಕ್ರಮ
ಮಾತ್ರ ನಿನ್ನೆ ಒಂದೇ ದಿನ 800ಕ್ಕೂ ಹೆಚ್ಚು ವಿಮಾನಗಳು ರದ್ದಾಗಿರುವುದು ಜನರಿಗೆ ತೀವ್ರ ತೊಂದರೆಯಾಗಿದೆ.
