ರಾಜಸ್ವ ಗುಪ್ತಚರ ನಿರ್ದೇಶನಾಲಯ (DRI) ಗುಜರಾತ್ನ ಅಂಕಲೇಶ್ವರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಅಕ್ರಮ ಮೆಫೆಡ್ರೋನ್ (Mephedrone) ಮಾದಕ ವಸ್ತು ತಯಾರಿಕಾ ಜಾಲವನ್ನು ಭೇದಿಸಿ, ವಸತಿ ಪ್ರದೇಶದಲ್ಲೇ ಸ್ಥಾಪಿಸಲಾಗಿದ್ದ ರಹಸ್ಯ ಪ್ರಯೋಗಾಲಯವನ್ನು ಪತ್ತೆಹಚ್ಚಿದೆ.
ಹಣಕಾಸು ಸಚಿವಾಲಯ ನೀಡಿದ ಮಾಹಿತಿಯ ಪ್ರಕಾರ, ಗುಪ್ತಚರ ಮಾಹಿತಿ ಆಧರಿಸಿ ನಡೆಸಿದ ಕಾರ್ಯಾಚರಣೆಯಲ್ಲಿ ಅಕ್ರಮ ಮಾದಕ ವಸ್ತು ತಯಾರಿಕೆ ಮತ್ತು ಕಳ್ಳಸಾಗಣೆ ಜಾಲಕ್ಕೆ ಸಂಬಂಧಿಸಿದ ಮೂವರನ್ನು ಬಂಧಿಸಲಾಗಿದೆ.
ದಾಳಿಯ ವೇಳೆ ಮೆಫೆಡ್ರೋನ್ ತಯಾರಿಕೆಗೆ ಬಳಸಲಾಗುತ್ತಿದ್ದ ಅತ್ಯಾಧುನಿಕ ಉಪಕರಣಗಳೊಂದಿಗೆ ಸಂಪೂರ್ಣ ಕಾರ್ಯನಿರ್ವಹಿಸುತ್ತಿದ್ದ ಅಕ್ರಮ ಪ್ರಯೋಗಾಲಯವನ್ನು ಅಧಿಕಾರಿಗಳು ಪತ್ತೆಹಚ್ಚಿದ್ದಾರೆ.
ಕಾರ್ಯಾಚರಣೆಯಲ್ಲಿ ಒಂದು ಕಿಲೋಗ್ರಾಂಗೂ ಹೆಚ್ಚು ಘನ ರೂಪದ ಮೆಫೆಡ್ರೋನ್, ಆರು ಕಿಲೋಗ್ರಾಂಗೂ ಹೆಚ್ಚು 2-ಬ್ರೊಮೊ-4-ಮೆಥೈಲ್ಪ್ರೊಪಿಯೊಫೆನೋನ್ (2-Bromo-4-Methylpropiophenone) ಎಂಬ ನಿಯಂತ್ರಿತ ಪೂರ್ವಗಾಮಿ ರಾಸಾಯನಿಕ (Controlled Precursor Chemical) ಹಾಗೂ ಮೆಫೆಡ್ರೋನ್ ತಯಾರಿಕೆಗೆ ಬಳಸಲಾಗುತ್ತಿದ್ದ ಇತರ ರಾಸಾಯನಿಕಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಈ ಅಕ್ರಮ ಮಾದಕ ವಸ್ತು ತಯಾರಿಕೆ ಮತ್ತು ಕಳ್ಳಸಾಗಣೆ ಜಾಲದ ಕುರಿತು ಹೆಚ್ಚಿನ ತನಿಖೆಯನ್ನು ಡಿಆರ್ಐ ಮುಂದುವರಿಸಿದ್ದು, ಈ ಜಾಲದ ಇತರ ಸಂಪರ್ಕಗಳನ್ನೂ ಪತ್ತೆಹಚ್ಚುವ ಕಾರ್ಯ ನಡೆಯುತ್ತಿದೆ.
