ಹೈದರಾಬಾದ್: ನಟ ಅಖಿಲ್ ಅಕ್ಕಿನೇನಿ ಅಭಿನಯದ ‘ಲೆನಿನ್’ ಸಿನಿಮಾ ವಾರದ ಮೊದಲ ದಿನವಾದ ಸೋಮವಾರ ಕಲೆಕ್ಷನ್ನಲ್ಲಿ ಇಳಿಕೆ ಕಂಡಿದ್ದರೂ, ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಪ್ರದರ್ಶನವನ್ನು ಮುಂದುವರಿಸಿದೆ.
ಚಿತ್ರವು ನಾಲ್ಕನೇ ದಿನ (ಸೋಮವಾರ) ಭಾರತದಲ್ಲಿ ₹3.60 ಕೋಟಿ ನೆಟ್ ಕಲೆಕ್ಷನ್ ಗಳಿಸಿದ್ದು, ಇದರೊಂದಿಗೆ ನಾಲ್ಕು ದಿನಗಳ ಒಟ್ಟು ಭಾರತ ನೆಟ್ ಕಲೆಕ್ಷನ್ ₹29.05 ಕೋಟಿ ತಲುಪಿದೆ. ಭಾರತದ ಒಟ್ಟು ಗ್ರಾಸ್ ಕಲೆಕ್ಷನ್ ₹33.37 ಕೋಟಿ ಆಗಿದೆ.
ವಿದೇಶಿ ಮಾರುಕಟ್ಟೆಯಲ್ಲಿ ಸೋಮವಾರ ₹75 ಲಕ್ಷ ಗ್ರಾಸ್ ಗಳಿಸಿರುವ ಚಿತ್ರ, ಒಟ್ಟು ₹8.05 ಕೋಟಿ ವಿದೇಶಿ ಗ್ರಾಸ್ ಕಲೆಕ್ಷನ್ ದಾಖಲಿಸಿದೆ. ಇದರೊಂದಿಗೆ ವಿಶ್ವಾದ್ಯಂತ ಚಿತ್ರದ ಒಟ್ಟು ಗ್ರಾಸ್ ಕಲೆಕ್ಷನ್ ₹41.42 ಕೋಟಿಗೆ ಏರಿಕೆಯಾಗಿದೆ.
ಭಾನುವಾರದ ಕಲೆಕ್ಷನ್ಗೆ ಹೋಲಿಸಿದರೆ, ಸೋಮವಾರ ಚಿತ್ರದ ಆದಾಯದಲ್ಲಿ 62.7 ಶೇಕಡಾ ಇಳಿಕೆ ಕಂಡುಬಂದಿದೆ. ಆದಾಗ್ಯೂ, ವಾರದ ಕೆಲಸದ ದಿನವಾಗಿದ್ದರೂ ಚಿತ್ರವು ನಿರೀಕ್ಷಿತ ಮಟ್ಟದಲ್ಲಿ ಪ್ರದರ್ಶನ ನೀಡಿದೆ ಎಂದು ಬಾಕ್ಸ್ ಆಫೀಸ್ ವಲಯ ಅಭಿಪ್ರಾಯಪಟ್ಟಿದೆ.
ಸೋಮವಾರ ದೇಶಾದ್ಯಂತ 2,122 ಪ್ರದರ್ಶನಗಳಲ್ಲಿ ಬಿಡುಗಡೆಯಾಗಿದ್ದ ಚಿತ್ರವು ಸುಮಾರು 34 ಶೇಕಡಾ ಆಸನ ಭರ್ತಿಯನ್ನು (Occupancy) ದಾಖಲಿಸಿದ್ದು, ಇದು ವಾರದ ಮಧ್ಯದ ದಿನಕ್ಕೆ ಉತ್ತಮ ಪ್ರತಿಕ್ರಿಯೆ ಎಂದು ಪರಿಗಣಿಸಲಾಗಿದೆ.
ಮುರಳಿ ಕಿಶೋರ್ ಅಬ್ಬೂರು ನಿರ್ದೇಶಿಸಿರುವ ಈ ಚಿತ್ರದಲ್ಲಿ ಭಾಗ್ಯಶ್ರೀ ಬೋರ್ಸೆ ನಾಯಕಿಯಾಗಿ ನಟಿಸಿದ್ದಾರೆ. ಅಖಿಲ್ ಅಕ್ಕಿನೇನಿ ಅವರ ನಾಯಕನಾಗಿ ಏಳನೇ ಚಿತ್ರ ಇದಾಗಿದೆ.
ನಾಗಾರ್ಜುನ ಅಕ್ಕಿನೇನಿ ಹಾಗೂ ಸೂರ್ಯದೇವರ ನಾಗ ವಂಶಿ ಜಂಟಿಯಾಗಿ ಚಿತ್ರವನ್ನು ನಿರ್ಮಿಸಿದ್ದು, ಚಿತ್ರದ ನಿರ್ಮಾಣ ವೆಚ್ಚ ಸುಮಾರು ₹35 ಕೋಟಿ ಎಂದು ವರದಿಯಾಗಿದೆ.
ಚಿತ್ರದಲ್ಲಿ ಶಿವಾಜಿ, ಬ್ರಹ್ಮಾಜಿ, ಶತ್ರು, ಪ್ರವೀಣ್, ಗೆಟಪ್ ಶ್ರೀನು, ಈಶ್ವರಿ ರಾವ್ ಹಾಗೂ ಮಹೇಶ್ ಆಚಂಟ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕನ್ನಡ ನಟ ಪ್ರಮೋದ್ ಅವರು ‘ವಸಂತ್’ ಪಾತ್ರದಲ್ಲಿ ಗಮನಾರ್ಹ ಅಭಿನಯ ನೀಡಿದ್ದಾರೆ.
