ದೆಹಲಿ ಪೊಲೀಸರ ಭರ್ಜರಿ ಕಾರ್ಯಾಚರಣೆ; ₹9 ಕೋಟಿ ಮೌಲ್ಯದ ಚರಸ್ ಜಪ್ತಿ, ಮೂವರು ನೇಪಾಳಿ ಪ್ರಜೆಗಳ ಬಂಧನ
ದೆಹಲಿ ದಕ್ಷಿಣ ಜಿಲ್ಲೆಯ ವಿಶೇಷ ಸಿಬ್ಬಂದಿ ನಡೆಸಿದ ಕಾರ್ಯಾಚರಣೆಯಲ್ಲಿ ಅಂತರರಾಷ್ಟ್ರೀಯ ಕಾಳಬಜಾರಿನಲ್ಲಿ ಸುಮಾರು ₹9 ಕೋಟಿ ಮೌಲ್ಯದ 8 ಕಿಲೋಗ್ರಾಂಗೂ ಅಧಿಕ ಉನ್ನತ ಗುಣಮಟ್ಟದ ಚರಸ್ (ಮಾದಕ ವಸ್ತು) ವಶಪಡಿಸಿಕೊಳ್ಳಲಾಗಿದೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ನೇಪಾಳದ ಮೂವರು ಪ್ರಜೆಗಳನ್ನು ಬಂಧಿಸಲಾಗಿದೆ. ಇವರು ವಾಣಿಜ್ಯ ಪ್ರಮಾಣದಲ್ಲಿ ಚರಸ್ ಪೂರೈಕೆ ಮಾಡುತ್ತಿದ್ದ ಜಾಲದ ಭಾಗವಾಗಿದ್ದರು ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ.
ಪ್ರಾಥಮಿಕ ತನಿಖೆಯ ಪ್ರಕಾರ, ಆರೋಪಿಗಳು ಭಾರತ-ನೇಪಾಳ ಗಡಿಯಿಂದ ಚರಸ್ ಅನ್ನು ತಂದು ದೆಹಲಿಯಲ್ಲಿ ವಾಟ್ಸ್ಆಪ್ ಆಧಾರಿತ ಜಾಲದ ಮೂಲಕ ಗ್ರಾಹಕರಿಗೆ ಪೂರೈಕೆ ಮಾಡುತ್ತಿದ್ದರು.
ಗ್ರಾಹಕರಿಂದ ವಾಟ್ಸ್ಆಪ್ ಮೂಲಕವೇ ಆರ್ಡರ್ ಸ್ವೀಕರಿಸಿ, ಡಿಜಿಟಲ್ ಬ್ಯಾಂಕಿಂಗ್ ವ್ಯವಸ್ಥೆ ಮೂಲಕ ಹಣ ಪಡೆಯುತ್ತಿದ್ದರು. ಪೊಲೀಸರ ಕಣ್ತಪ್ಪಿಸಲು ಪ್ರತಿಯೊಂದು ವ್ಯವಹಾರದ ಬಳಿಕ ಚಾಟ್ ಹಾಗೂ ಕರೆಗಳ ದಾಖಲೆಗಳನ್ನು ಅಳಿಸುತ್ತಿದ್ದರು. ಜೊತೆಗೆ ಆಟೋ ರಿಕ್ಷಾ ಮತ್ತು ಬೈಕ್ ಟ್ಯಾಕ್ಸಿಗಳ ಮೂಲಕ ಮಾದಕ ವಸ್ತು ಸಾಗಾಟ ನಡೆಸುತ್ತಿದ್ದರು ಎಂದು ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.
ಪ್ರಸ್ತುತ ಹಣಕಾಸು ವ್ಯವಹಾರಗಳು, ಮೊಬೈಲ್ ಫೋನ್ಗಳು ಹಾಗೂ ಇತರ ಡಿಜಿಟಲ್ ಸಾಕ್ಷ್ಯಗಳನ್ನು ಪೊಲೀಸರು ಪರಿಶೀಲಿಸುತ್ತಿದ್ದು, ಈ ಜಾಲದಲ್ಲಿ ಭಾಗಿಯಾಗಿರುವ ಇತರ ಆರೋಪಿಗಳನ್ನು ಪತ್ತೆಹಚ್ಚುವ ಜೊತೆಗೆ ಸಂಪೂರ್ಣ ಸರಬರಾಜು ಜಾಲವನ್ನು ಬಯಲಿಗೆಳೆಯುವ ಕಾರ್ಯ ಮುಂದುವರಿದಿದೆ.
