ಚಳಿಗಾಲದ ಪ್ರಯಾಣಿಕರ ಹೆಚ್ಚಿದ ಬೇಡಿಕೆ ಹಾಗೂ ವಿಮಾನ ರದ್ದತಿಗಳ ಹಿನ್ನೆಲೆ, ದೇಶದ ಹಲವು ವಲಯಗಳಲ್ಲಿ ರೈಲ್ವೇ ಇಲಾಖೆ ಮುಂದಿನ ಎರಡು ದಿನಗಳಿಗೆ 89 ವಿಶೇಷ ರೈಲುಗಳ ಸಂಚಾರಕ್ಕೆ ಅನುಮತಿ ನೀಡಿದೆ. ಪ್ರಯಾಣಿಕರ ಸುಗಮ ಸಂಚಾರಕ್ಕೆ ಅಗತ್ಯ ವ್ಯವಸ್ಥೆ ಕಲ್ಪಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ.
ಕೇಂದ್ರೀಯ ರೈಲ್ವೇ ವಲಯದಲ್ಲಿ ಒಟ್ಟು 14 ವಿಶೇಷ ರೈಲುಗಳನ್ನು ಘೋಷಿಸಲಾಗಿದ್ದು, ಪುಣೆ–ಬೆಂಗಳೂರು, ಪುಣೆ–ದೆಹಲಿ, ಮುಂಬೈ–ದೆಹಲಿ ಸೇರಿದಂತೆ ಹಲವಾರು ಪ್ರಮುಖ ಮಾರ್ಗಗಳಲ್ಲಿ ಸಂಚಾರ ಮಾಡಲಿವೆ.
ಪಶ್ಚಿಮ ರೈಲ್ವೇ ವಲಯದಲ್ಲಿ 7 ವಿಶೇಷ ರೈಲುಗಳನ್ನು ವ್ಯವಸ್ಥೆ ಮಾಡಲಾಗಿದೆ. ಭಿವಾಣಿ–ಮುಂಬೈ, ಮುಂಬೈ–ಶಾಕುರಬಸ್ತಿ ಸೇರಿದಂತೆ ಜನಪ್ರಿಯ ಮಾರ್ಗಗಳು ಇದರಲ್ಲಿ ಸೇರಿವೆ.
ದಕ್ಷಿಣ ಮಧ್ಯ ರೈಲ್ವೇ ಕೂಡ ಮೂರು ಪ್ರಮುಖ ವಿಶೇಷ ರೈಲುಗಳನ್ನು ಸಂಚಾರಕ್ಕೆ ಬಿಡುತ್ತಿದೆ. ಚೆರ್ಲಾಪಳ್ಳಿ–ಶಾಲಿಮಾರ್, ಸಿಕಂದರಾಬಾದ್–ಚೆನ್ನೈ ಎಗ್ಮೋರ್, ಹಾಗೂ హైదరాబాద్–ಮುಂಬೈ ಮಾರ್ಗಗಳಲ್ಲಿ ಈ ರೈಲುಗಳು ಓಡಲಿವೆ.
ರೈಲ್ವೇ ಇಲಾಖೆಯ ಈ ತ್ವರಿತ ಕ್ರಮ ಪ್ರಯಾಣಿಕರಿಂದ ಮೆಚ್ಚುಗೆಗೆ ಪಾತ್ರವಾಗಿದೆ.
