ಹಾಂಗ್ಝೌ (ಚೀನಾ): ಐಎಸ್ಎಸ್ಎಫ್ ರೈಫಲ್/ಪಿಸ್ತೂಲ್/ಶಾಟ್ಗನ್ ವಿಶ್ವಕಪ್ನಲ್ಲಿ ಭಾರತ ಮತ್ತೊಂದು ಪದಕ ತನ್ನದಾಗಿಸಿಕೊಂಡಿದೆ. 10 ಮೀಟರ್ ಏರ್ ರೈಫಲ್ ಮಿಶ್ರ ತಂಡ ವಿಭಾಗದಲ್ಲಿ ಭಾರತದ ಸೋನಂ ಉತ್ತಮ್ ಮಸ್ಕರ್ ಮತ್ತು ಹಿಮಾಂಶು ಧಿಲ್ಲೋನ್ ಜೋಡಿ ಕಂಚಿನ ಪದಕ ಗೆದ್ದು ಮಿಂಚಿದೆ.
ಸ್ಪರ್ಧೆಯುದ್ದಕ್ಕೂ ಸ್ಥಿರ ಪ್ರದರ್ಶನ ನೀಡಿದ ಭಾರತೀಯ ಜೋಡಿ ಒಟ್ಟು 441.2 ಅಂಕಗಳನ್ನು ಗಳಿಸಿ ಮೂರನೇ ಸ್ಥಾನ ಪಡೆದುಕೊಂಡಿತು. ಸೋನಂ ಉತ್ತಮ್ ಮಸ್ಕರ್ ಹಾಗೂ ಹಿಮಾಂಶು ಧಿಲ್ಲೋನ್ ಇಬ್ಬರೂ ತಲಾ 220.6 ಅಂಕಗಳನ್ನು ಗಳಿಸುವ ಮೂಲಕ ಭಾರತಕ್ಕೆ ಕಂಚಿನ ಪದಕ ತಂದುಕೊಟ್ಟರು.
ಈ ವಿಭಾಗದಲ್ಲಿ ಚೀನಾದ ಮೊದಲ ತಂಡ ಚಿನ್ನದ ಪದಕ ಹಾಗೂ ಎರಡನೇ ತಂಡ ಬೆಳ್ಳಿ ಪದಕ ತನ್ನದಾಗಿಸಿಕೊಂಡಿತು.
ಈ ಕಂಚಿನ ಪದಕದೊಂದಿಗೆ ಹಾಂಗ್ಝೌ ಐಎಸ್ಎಸ್ಎಫ್ ವಿಶ್ವಕಪ್ನಲ್ಲಿ ಭಾರತದ ಒಟ್ಟು ಪದಕಗಳ ಸಂಖ್ಯೆ ನಾಲ್ಕಕ್ಕೆ ಏರಿಕೆಯಾಗಿದೆ. ಭಾರತ ಇದುವರೆಗೆ ಒಂದು ಚಿನ್ನ, ಒಂದು ಬೆಳ್ಳಿ ಮತ್ತು ಎರಡು ಕಂಚಿನ ಪದಕಗಳನ್ನು ಗೆದ್ದಿದೆ.
ಭಾರತೀಯ ಶೂಟರ್ಗಳ ಸ್ಥಿರ ಪ್ರದರ್ಶನ ಮುಂದುವರಿದಿದ್ದು, ಮುಂದಿನ ಸ್ಪರ್ಧೆಗಳಲ್ಲೂ ಇನ್ನಷ್ಟು ಪದಕಗಳ ನಿರೀಕ್ಷೆ ಹೆಚ್ಚಿಸಿದೆ.
