ರೊಮೇನಿಯಾದಲ್ಲಿ ಭೀಕರ ಚಂಡಮಾರುತ: ಓರ್ವ ಸಾವು, ರಾಜಧಾನಿ ಬುಕಾರೆಸ್ಟ್ನಲ್ಲಿ ವ್ಯಾಪಕ ಹಾನಿ
ರೊಮೇನಿಯಾದ ರಾಜಧಾನಿ ಬುಕಾರೆಸ್ಟ್ ಸೇರಿದಂತೆ ದೇಶದ 20 ಜಿಲ್ಲೆಗಳಲ್ಲಿ ಬೀಸಿದ ಪ್ರಬಲ ಚಂಡಮಾರುತಕ್ಕೆ ಓರ್ವ ವ್ಯಕ್ತಿ ಮೃತಪಟ್ಟಿದ್ದು, ವ್ಯಾಪಕ ಹಾನಿ ಸಂಭವಿಸಿದೆ.
ತುರ್ತು ಸೇವೆಗಳ ಪ್ರಕಾರ, ಬುಕಾರೆಸ್ಟ್ನಿಂದ ಮಾತ್ರ ಸುಮಾರು 2,000ಕ್ಕೂ ಹೆಚ್ಚು ತುರ್ತು ಕರೆಗಳು ಬಂದಿದ್ದು, ಭಾರೀ ಮಳೆಯಿಂದ ನಗರದ ಹಲವು ಮೆಟ್ರೋ ನಿಲ್ದಾಣಗಳು ಜಲಾವೃತವಾಗಿವೆ.
ರಾಜಧಾನಿಯ ಹೊರವಲಯದ ಸುಮಾರು 60 ಪಟ್ಟಣಗಳು ಮತ್ತು ಗ್ರಾಮಗಳು ಚಂಡಮಾರುತದ ಅಬ್ಬರಕ್ಕೆ ತತ್ತರಿಸಿದ್ದು, ಡಜನ್ಗಟ್ಟಲೆ ಮನೆಗಳು ಹಾಗೂ ವಾಹನಗಳಿಗೆ ಹಾನಿಯಾಗಿದೆ.
ಪ್ರವಾಹಪೀಡಿತ ಮನೆಗಳಿಂದ ನಿವಾಸಿಗಳನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲು ಹಾಗೂ ರಸ್ತೆಗಳಿಗೆ ಉರುಳಿಬಿದ್ದ ಮರಗಳು ಮತ್ತು ಅವಶೇಷಗಳನ್ನು ತೆರವುಗೊಳಿಸಲು ಪೊಲೀಸರು ಮತ್ತು ಅಗ್ನಿಶಾಮಕ ಸಿಬ್ಬಂದಿಯನ್ನು ವ್ಯಾಪಕವಾಗಿ ನಿಯೋಜಿಸಲಾಗಿದೆ.
ಈ ವಾರದ ಆರಂಭದಲ್ಲಿ ದೇಶದ ಹಲವು ಭಾಗಗಳಲ್ಲಿ 40 ಡಿಗ್ರಿ ಸೆಲ್ಸಿಯಸ್ಗಿಂತ ಹೆಚ್ಚಿನ ಉಷ್ಣಾಂಶ ದಾಖಲಾಗಿದ್ದ ತೀವ್ರ ಬಿಸಿಗಾಳಿಯ ಬಳಿಕ ಈ ಚಂಡಮಾರುತ ಅಪ್ಪಳಿಸಿದೆ. ಬಿಸಿಗಾಳಿಯಿಂದ ವಿದ್ಯುತ್ ಬೇಡಿಕೆ ಹೆಚ್ಚಾಗಿ, ವಿದ್ಯುತ್ ದರಗಳಲ್ಲೂ ಏರಿಕೆ ಕಂಡುಬಂದಿತ್ತು.
