ಗುಜರಾತ್ನಲ್ಲಿ ಮಹತ್ವದ ಕೈಗಾರಿಕಾ ಹೂಡಿಕೆ ಘೋಷಣೆಯಾಗಿದ್ದು, Maruti Suzuki India Limited ಸಂಸ್ಥೆ ಖೋರಾಜ್ನಲ್ಲಿ ಭಾರೀ ವಾಹನ ಉತ್ಪಾದನಾ ಘಟಕ ಸ್ಥಾಪಿಸಲು ಮುಂದಾಗಿದೆ. ಈ ಯೋಜನೆಗೆ ಒಟ್ಟು ₹35,000 ಕೋಟಿ ಹೂಡಿಕೆ ಮಾಡುವುದಾಗಿ ಕಂಪನಿ ಘೋಷಿಸಿದೆ.
ಈ ಸಂಬಂಧ ಇಂದು Gandhinagarನಲ್ಲಿ ನಡೆದ ಸಮಾರಂಭದಲ್ಲಿ ಗುಜರಾತ್ ಸರ್ಕಾರ ಮತ್ತು ಮಾರೂತಿ ಸುಜುಕಿಯ ನಡುವೆ ಹೂಡಿಕೆ ಒಪ್ಪಂದ ಪತ್ರ ವಿನಿಮಯ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ Bhupendra Patel ಹಾಗೂ ಉಪ ಮುಖ್ಯಮಂತ್ರಿ Harsh Sanghavi ಉಪಸ್ಥಿತರಿದ್ದರು.
ಸುಮಾರು 1,750 ಎಕರೆ ಭೂಮಿಯಲ್ಲಿ ಸ್ಥಾಪನೆಯಾಗಲಿರುವ ಈ ಹೊಸ ಉತ್ಪಾದನಾ ಘಟಕದಲ್ಲಿ ಹಂತ ಹಂತವಾಗಿ ನಾಲ್ಕು ಯೂನಿಟ್ಗಳು ನಿರ್ಮಾಣವಾಗಲಿದ್ದು, ಪ್ರತಿಯೊಂದು ಯೂನಿಟ್ ವರ್ಷಕ್ಕೆ 2.5 ಲಕ್ಷ ವಾಹನಗಳ ಉತ್ಪಾದನಾ ಸಾಮರ್ಥ್ಯ ಹೊಂದಿರಲಿದೆ. ಇದರೊಂದಿಗೆ ಒಟ್ಟು ವಾರ್ಷಿಕ ಉತ್ಪಾದನಾ ಸಾಮರ್ಥ್ಯ 10 ಲಕ್ಷ ವಾಹನಗಳಿಗೆ ಏರಲಿದೆ.
ಕಂಪನಿಯ ಯೋಜನೆಯಂತೆ, ಮೊದಲ ಘಟಕದಿಂದ 2029ರ ಹಣಕಾಸು ವರ್ಷದಲ್ಲಿ ವಾಹನ ಉತ್ಪಾದನೆ ಆರಂಭವಾಗಲಿದೆ.
ಯೋಜನೆಯನ್ನು ಸ್ವಾಗತಿಸಿದ ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್, “ಈ ಘಟಕವು ದೇಶದ ಅತ್ಯಂತ ಸ್ಪರ್ಧಾತ್ಮಕ ಹಾಗೂ ಬಲಿಷ್ಠ ಆಟೋಮೊಬೈಲ್ ಉತ್ಪಾದನಾ ಕಾರಿಡಾರ್ಗೆ ಇನ್ನಷ್ಟು ಶಕ್ತಿ ತುಂಬಲಿದೆ” ಎಂದು ಅಭಿಪ್ರಾಯಪಟ್ಟರು.
ಈ ಮಹತ್ವದ ಯೋಜನೆಯಿಂದ 12,000ಕ್ಕೂ ಹೆಚ್ಚು ಜನರಿಗೆ ನೇರ ಉದ್ಯೋಗ ಸೃಷ್ಟಿಯಾಗಲಿದ್ದು, ಸಹಾಯಕ ಕೈಗಾರಿಕೆಗಳು ಹಾಗೂ ಎಂಎಸ್ಎಂಇ ಕ್ಲಸ್ಟರ್ಗಳ ಬೆಳವಣಿಗೆಯಿಂದ ಸುಮಾರು 7.5 ಲಕ್ಷ ಜನರಿಗೆ ಪರೋಕ್ಷ ಜೀವನೋಪಾಯ ಅವಕಾಶಗಳು ಲಭ್ಯವಾಗಲಿವೆ ಎಂದು ಅಂದಾಜಿಸಲಾಗಿದೆ.
