ಜಪಾನ್ನ ಉತ್ತರ ಭಾಗದಲ್ಲಿ ಇಂದು ಬೆಳಗ್ಗೆ 6.9 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ಜಪಾನ್ ಹವಾಮಾನ ಇಲಾಖೆ (JMA) ತಿಳಿಸಿದೆ. ಭೂಕಂಪದ ಕೇಂದ್ರವು ಇವಾಟೆ ಪ್ರಾಂತ್ಯದ ಕರಾವಳಿಯಿಂದ ಸುಮಾರು 50 ಕಿಲೋಮೀಟರ್ ಆಳದಲ್ಲಿ ದಾಖಲಾಗಿದ್ದು, ಇದು ಪ್ರದೇಶದಲ್ಲಿ ತೀವ್ರ ಕಂಪನ ಉಂಟುಮಾಡಿದೆ.
ಆಒಮೊರಿ ಪ್ರಾಂತ್ಯದ ಹಾಶಿಕಾಮಿ ಪಟ್ಟಣದಲ್ಲಿ ಭೂಕಂಪವು ಜಪಾನ್ನ 0 ರಿಂದ 7ರವರೆಗೆ ಇರುವ ಭೂಕಂಪ ತೀವ್ರತಾ ಮಾಪಕದಲ್ಲಿ “ಅಪ್ಪರ್ 6” ಮಟ್ಟವನ್ನು ದಾಖಲಿಸಿದೆ. ಈ ಮಟ್ಟದಲ್ಲಿ ಜನರು ನಿಂತುಕೊಳ್ಳಲು ಸಾಧ್ಯವಾಗದೆ ಹತ್ತಿ ಚಲಿಸಬೇಕಾಗುವಷ್ಟು ತೀವ್ರತೆ ಇರುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಟೋಕಿಯೋದಲ್ಲಿಯೂ ಸಣ್ಣ ಪ್ರಮಾಣದ ಕಂಪನ ಅನುಭವವಾಗಿದ್ದು, ಆದರೆ ಸುನಾಮಿ ಎಚ್ಚರಿಕೆ ಹೊರಡಿಸಲಾಗಿಲ್ಲ. ಪ್ರಾಥಮಿಕ ಮಾಹಿತಿಯ ಪ್ರಕಾರ ಯಾವುದೇ ಸಾವು–ನೋವು ವರದಿ ಆಗಿಲ್ಲ.
ಭೂಕಂಪದ ಬಳಿಕ ಜಪಾನ್ ಪ್ರಧಾನಮಂತ್ರಿಗಳ ಕಚೇರಿ ತುರ್ತು ಕಾರ್ಯಪಡೆ ರಚಿಸಿದ್ದು, ಪ್ರಧಾನಿ ಸಾನೇ ತಕೈಚಿ ಅವರು ಪ್ರಭಾವಿತ ಪ್ರದೇಶಗಳ ನಿವಾಸಿಗಳಿಗೆ ಜಾಗರೂಕರಾಗಿರಲು ಮತ್ತು ಮುಂದಿನ ಭೂಕಂಪ ಸಂಭವಿಸಬಹುದಾದ ಸಾಧ್ಯತೆಯನ್ನು ಗಮನದಲ್ಲಿರಿಸಿಕೊಳ್ಳಲು ಸೂಚಿಸಿದ್ದಾರೆ
