ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ISRO ಮತ್ತೊಂದು ಐತಿಹಾಸಿಕ ಸಾಧನೆ ದಾಖಲಿಸಿದೆ. ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ Satish Dhawan Space Centre ನಿಂದ ಇಂದು ಬೆಳಿಗ್ಗೆ 8.55ಕ್ಕೆ, ಅಮೆರಿಕದ AST SpaceMobile ಸಂಸ್ಥೆಯ ಮುಂದಿನ ತಲೆಮಾರಿನ ಸಂವಹನ ಉಪಗ್ರಹ BlueBird Block-2 ಅನ್ನು ISRO ಯ ಭಾರೀ ಉಡಾವಣಾ ವಾಹನ LVM3 (LVM3-M6) ಮೂಲಕ ಯಶಸ್ವಿಯಾಗಿ ಕಕ್ಷೆಗೆ ಕಳುಹಿಸಲಾಯಿತು.
ಉಡಾವಣೆಯ ಬಳಿಕ ಸುಮಾರು 15 ನಿಮಿಷಗಳ ಹಾರಾಟದ ನಂತರ BlueBird Block-2 ಉಪಗ್ರಹವು ರಾಕೆಟ್ನಿಂದ ಯಶಸ್ವಿಯಾಗಿ ಬೇರ್ಪಟ್ಟು, ನಿಗದಿತ ಕಡಿಮೆ ಭೂಮಿಕಕ್ಷೆ (LEO) ಯಲ್ಲಿ ನಿಖರವಾಗಿ ಸ್ಥಾಪಿಸಲಾಯಿತು. ಈ ಯಶಸ್ವಿ ಪ್ರಕ್ರಿಯೆಯೊಂದಿಗೆ ISRO ಮತ್ತೊಮ್ಮೆ ತನ್ನ ತಾಂತ್ರಿಕ ಸಾಮರ್ಥ್ಯವನ್ನು ಜಗತ್ತಿಗೆ ಪ್ರದರ್ಶಿಸಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ISRO ಅಧ್ಯಕ್ಷ ವಿ. ನಾರಾಯಣನ್ ಅವರು, “ಭಾರತೀಯ ಉಡಾವಣಾ ವಾಹನ ಬಳಸಿ ಭಾರತೀಯ ನೆಲದಿಂದ ಉಡಾವಣೆಯಾದ ಅತಿ ಭಾರೀ ವಾಣಿಜ್ಯ ಉಪಗ್ರಹ ಇದು” ಎಂದು ಹೆಮ್ಮೆ ವ್ಯಕ್ತಪಡಿಸಿದರು. ಉಪಗ್ರಹವನ್ನು ಅತ್ಯಂತ ನಿಖರತೆಯಿಂದ ಗುರಿ ಕಕ್ಷೆಗೆ ಇಂಜೆಕ್ಟ್ ಮಾಡಲಾಗಿದೆ ಎಂದು ಅವರು ತಿಳಿಸಿದರು.
BlueBird Block-2 ಯೋಜನೆ ಜಾಗತಿಕ ಮಟ್ಟದ LEO ಉಪಗ್ರಹ ಸಮೂಹದ ಭಾಗವಾಗಿದ್ದು, ಭೂಮಿಯ ಎಲ್ಲೆಡೆ ನೇರವಾಗಿ ಮೊಬೈಲ್ಗಳಿಗೆ ಸಂಪರ್ಕ ಒದಗಿಸುವ ಉದ್ದೇಶ ಹೊಂದಿದೆ. ಈ ಉಪಗ್ರಹ ಸಮೂಹದ ಮೂಲಕ 4G ಮತ್ತು 5G ವಾಯ್ಸ್ ಕರೆಗಳು, ವಿಡಿಯೋ ಕರೆ, ಸಂದೇಶಗಳು, ಸ್ಟ್ರೀಮಿಂಗ್ ಹಾಗೂ ಡೇಟಾ ಸೇವೆಗಳು ಯಾವುದೇ ಭೂಮಿಯ ಜಾಲವಿಲ್ಲದೆ ಲಭ್ಯವಾಗಲಿವೆ.
ಈ ಮಹತ್ವದ ಉಡಾವಣೆ, ISRO ಯ ವಾಣಿಜ್ಯ ಅಂಗಸಂಸ್ಥೆಯಾದ NewSpace India Limited ಮತ್ತು ಅಮೆರಿಕದ AST SpaceMobile ನಡುವಿನ ವಾಣಿಜ್ಯ ಒಪ್ಪಂದದ ಭಾಗವಾಗಿ ಕೈಗೊಳ್ಳಲಾಯಿತು.
LVM3-M6 ಮಿಷನ್, LVM3 ರಾಕೆಟ್ನ ಆರನೇ ಕಾರ್ಯಾಚರಣಾ ಹಾರಾಟವಾಗಿದ್ದು, BlueBird Block-2 ಉಪಗ್ರಹಕ್ಕಾಗಿ ಮೂರನೇ ವಾಣಿಜ್ಯ ಸಮರ್ಪಿತ ಉಡಾವಣೆ ಆಗಿದೆ. ಇದುವರೆಗೆ LVM3 ಎಂಟು ಸತತ ಯಶಸ್ವಿ ಉಡಾವಣೆಗಳನ್ನು ಪೂರ್ಣಗೊಳಿಸಿದ್ದು, Chandrayaan-2 ಮತ್ತು Chandrayaan-3 ಸೇರಿದಂತೆ ಹಲವು ಮಹತ್ವಾಕಾಂಕ್ಷಿ ಯೋಜನೆಗಳಿಗೆ ಯಶಸ್ಸು ತಂದುಕೊಟ್ಟಿದೆ.
