ಹಮಾಸ್ನಿಂದ ಇಸ್ರೇಲಿ ಮಿಲಿಟರಿಗೆ ಶವಪೆಟ್ಟಿಗೆ ಹಸ್ತಾಂತರ
ಜೆರುಸಲೆಂ:ಹಮಾಸ್ ಮತ್ತು ಇಸ್ರೇಲ್ ನಡುವಿನ ಕದನ ವಿರಾಮ ಒಪ್ಪಂದದಡಿಯಲ್ಲಿ ಅವಶೇಷಗಳನ್ನು ಹಿಂದಿರುಗಿಸುವ ವಿಳಂಬ ವಿವಾದ ಉಟಾಗಿದೆ. ಈ ಮಧ್ಯೆ, ರೆಡ್ಕ್ರಾಸ್ ಗಾಜಾದಿಂದ ಮತ್ತೊಬ್ಬ ಒತ್ತೆಯಾಳು ದೇಹವನ್ನು ಇಸ್ರೇಲ್ ಡಿಫೆನ್ಸ್ ಪೋರ್ಸ್(IDF)ಗೆ ಹಸ್ತಾಂತರಿಸಿದೆ ಎಂದು ಇಸ್ರೇಲ್ ಶನಿವಾರ ಮುಂಜಾನೆ ಹೇಳಿದೆ.
ಇಸ್ರೇಲಿ ಮಿಲಿಟರಿ ಮತ್ತು ಭದ್ರತಾ ಪಡೆಗಳು ಗಾಜಾ ಪಟ್ಟಿಯೊಳಗಿನ ರೆಡ್ಕ್ರಾಸ್ನಿಂದ ಶವಪೆಟ್ಟಿಗೆಯನ್ನು ಸ್ವೀಕರಿಸಿದವು. ಅದನ್ನು ಇಸ್ರೇಲ್ನಲ್ಲಿರುವ ಆರೋಗ್ಯ ಸಚಿವಾಲಯದ ನ್ಯಾಶನಲ್ ಸೆಂಟರ್ ಫಾರ್ ಫೋರೆನ್ಸಿಕ್ ಮೆಡಿಸಿನ್ಗೆ ಕಳುಹಿಸಬೇಕಾಗಿತ್ತು. ಔಪಚಾರಿಕ ಗುರುತಿನ ಪ್ರಕ್ರಿಯೆಯ ನಂತರ ಮೃತರ ಕುಟುಂಬಕ್ಕೆ ತಿಳಿಸಲಾಗುವುದು ಎಂದು ಇಸ್ರೇಲಿ ಅಧಿಕಾರಿಗಳು ತಿಳಿಸಿದ್ದಾರೆ.
ಗಾಜಾದಲ್ಲಿ ಇರಿಸಲಾಗಿರುವ 28 ಮೃತದೇಹಗಳಲ್ಲಿ ಇಸ್ರೇಲ್ ಪಡೆದ 10 ನೇ ಒತ್ತೆಯಾಳು ಇದಾಗಿದೆ. ಹಮಾಸ್, ತಾಂತ್ರಿಕ ಸಮಸ್ಯೆಗಳನ್ನು ಉಲ್ಲೇಖಿಸಿ, ಅವಶೇಷಗಳಡಿಯಲ್ಲಿ ಹೂತಿರುವ ದೇಹಗಳನ್ನು ಪತ್ತೆಹಚ್ಚುವ ಪ್ರಕ್ರಿಯೆಯನ್ನು ವೇಗಗೊಳಿಸಲು ಭಾರೀ ಯಂತ್ರೋಪಕರಣಗಳು ಮತ್ತು ಉತ್ಖನನ ಉಪಕರಣಗಳ ಅಗತ್ಯವಿದೆ ಎಂದು ಹೇಳಿದೆ.
ಶುಕ್ರವಾರ, ಖಾನ್ ಯೂನಿಸ್ ನಗರದ ಅಪಾರ್ಟ್ಮೆಂಟ್ ಟವರ್ಗಳ ಸಂಕೀರ್ಣವಾದ ಹಮದ್ ನಗರದಲ್ಲಿ ಹಮಾಸ್ ಒತ್ತೆಯಾಳುಗಳ ಅವಶೇಷಗಳನ್ನು ಹುಡುಕುತ್ತಿರುವಾಗ ಎರಡು ಬುಲ್ಡೋಜರ್ಗಳು ಭೂಮಿಯನ್ನು ಉಳುಮೆ ಮಾಡಿದವು. ಯುದ್ಧದ ಸಮಯದಲ್ಲಿ ಇಸ್ರೇಲಿ ಪಡೆಗಳು ಪದೇ ಪದೇ ಗೋಪುರಗಳ ಮೇಲೆ ಬಾಂಬ್ ಸ್ಫೋಟಿಸಿದವು, ಕೆಲವನ್ನು ಉರುಳಿಸಿತು ಮತ್ತು ಮಾರ್ಚ್ 2024 ರಲ್ಲಿ ಪಡೆಗಳು ಅಲ್ಲಿ ಒಂದು ವಾರದ ಅವಧಿಯ ದಾಳಿಯನ್ನು ನಡೆಸಿತು.
ಅವಶೇಷಗಳಡಿಯಲ್ಲಿ ಹೂತುಹೋಗಿರುವ ಅವಶೇಷಗಳನ್ನು ಹಿಂಪಡೆಯಲು ಸಹಾಯ ಮಾಡಲು ಟರ್ಕಿಯು ತಜ್ಞರ ತಂಡವನ್ನು ಕಳುಹಿಸಿತು, ಆದರೆ ಈ ಗುಂಪು ಪ್ರದೇಶವನ್ನು ಪ್ರವೇಶಿಸಲು ಇಸ್ರೇಲಿ ಅನುಮತಿಗಾಗಿ ಶುಕ್ರವಾರ ಕಾಯುತ್ತಿತ್ತು.
“ಗಾಝಾವನ್ನು ಪ್ರವೇಶಿಸಲು ಇಸ್ರೇಲ್ ಟರ್ಕಿಯ ತಂಡವನ್ನು ಯಾವಾಗ ಅನುಮತಿಸುತ್ತದೆ ಎಂಬುದು ಅಸ್ಪಷ್ಟವಾಗಿದೆ” ಎಂದು ಟರ್ಕಿಯ ಅಧಿಕಾರಿಯೊಬ್ಬರು ತಿಳಿಸಿರುವುದು ವರದಿ ಯಾಗಿದೆ. ಪ್ಯಾಲೇಸ್ಟಿನಿಯನ್ ಮತ್ತು ಒತ್ತೆಯಾಳುಗಳ ಅವಶೇಷಗಳನ್ನು ಪತ್ತೆಹಚ್ಚುವುದು ತಂಡದ ಉದ್ದೇಶವಾಗಿದೆ. ಟರ್ಕಿಯ ನಿಯೋಗವು ಭಾನುವಾರದೊಳಗೆ ಪ್ರವೇಶಿಸುವ ನಿರೀಕ್ಷೆಯಿದೆ ಎಂದು ಹಮಾಸ್ ಮೂಲವು ತಿಳಿಸಿದೆ.
ಒತ್ತೆಯಾಳುಗಳ ದೇಹಗಳು ಎಲ್ಲಿವೆ ಎಂದು ಹಮಾಸ್ಗೆ ತಿಳಿದಿದೆ ಎಂದು ಇಸ್ರೇಲ್ ಹೇಳಿದೆ. ಕದನ ವಿರಾಮ ಒಪ್ಪಂದಕ್ಕೆ ಮತ್ತು ಉಳಿದ ಎಲ್ಲಾ ಒತ್ತೆಯಾಳುಗಳ ದೇಹಗಳನ್ನು ಹಸ್ತಾಂತರಿಸಲು ಬದ್ಧವಾಗಿದೆ ಎಂದು ಹಮಾಸ್ ಹೇಳಿದೆ.
ಇಸ್ರೇಲ್ 90 ಪ್ಯಾಲೆಸ್ಟೀನಿಯರ ಶವಗಳನ್ನು ಸಮಾಧಿಗಾಗಿ ಗಾಜಾಕ್ಕೆ ಹಿಂದಿರುಗಿಸಿದೆ. ಇಸ್ರೇಲ್ ಇನ್ನೂ ಹೆಚ್ಚಿನ ಶವಗಳನ್ನು ಹಿಂದಿರುಗಿಸುವ ನಿರೀಕ್ಷೆಯಿದೆ, ಆದರೂ ಎಷ್ಟು ಮಂದಿ ತನ್ನ ವಶದಲ್ಲಿದ್ದಾರೆ ಅಥವಾ ಎಷ್ಟು ಮಂದಿಯನ್ನು ಹಿಂತಿರುಗಿಸುತ್ತಾರೆ ಎಂದು ಅಧಿಕಾರಿಗಳು ಹೇಳಿಲ್ಲ.
ಒತ್ತೆಯಾಳು ಅವಶೇಷಗಳ ಹಸ್ತಾಂತರ ವಿವಾದವು ಕದನ ವಿರಾಮ ಒಪ್ಪಂದದ ಮೇಲೆ ತನ್ನ ಕರಿನೆರಳು ಮೂಡಿಸಿದೆ. ಯುದ್ಧವನ್ನು ಕೊನೆಗೊಳಿಸಲು ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ 20 ಅಂಶಗಳ ಯೋಜನೆಯ ಮೊದಲ ಹಂತ ಇದಾಗಿದೆ.
ಅಂಕಾರಾದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಟರ್ಕಿಯ ವಿದೇಶಾಂಗ ಸಚಿವ ಹಕನ್ ಫಿಡಾನ್ ಒತ್ತೆಯಾಳುಗಳ ಬಗ್ಗೆ ಇಸ್ರೇಲ್ ಹೇಳಿಕೆಗಳು ಕಳವಳಕಾರಿ ಎಂದು ಹೇಳಿದ್ದಾರೆ. “ಅವಶೇಷಗಳ ಅಡಿಯಲ್ಲಿ ಉಳಿದಿರುವ ದೇಹಗಳನ್ನು ಪತ್ತೆ ಹಚ್ಚಲು ಇಸ್ರೇಲ್ ಹಮಾಸ್ ನ ಅಸಮರ್ಥತೆಯನ್ನು ಬಳಸುತ್ತದೆಯೇ? ಕ್ಷಮಿಸುತ್ತದೆಯೇ ಅಥವಾ ಕದನ ವಿರಾಮವನ್ನು ಮುರಿಯುತ್ತದೆಯೇ? ಇದರ ಬಗ್ಗೆ ಅಂತರರಾಷ್ಟ್ರೀಯ ಸಮುದಾಯದಲ್ಲಿ ಕಳವಳವಿದೆ ಅವರು ಹೇಳಿದ್ದಾರೆ.
ಶುಕ್ರವಾರ, ಹಮಾಸ್ ಕದನ ವಿರಾಮದ ಅಡಿಯಲ್ಲಿ ಮುಂದಿನ ಹಂತಗಳಿಗೆ ಒತ್ತಾಯಿಸಲು ಮಧ್ಯವರ್ತಿಗಳಿಗೆ ಕರೆ ನೀಡಿತು. ಈ ಮೂಲಕ ಎರಡು ದೇಶಗಳ ಗಡಿಯನ್ನು ಪುನಃ ತೆರೆಯುವುದು, ಸಹಾಯಕ್ಕೆ ಅವಕಾಶ ನೀಡುವುದು, ಪುನರ್ನಿರ್ಮಾಣವನ್ನು ಪ್ರಾರಂಭಿಸುವುದು, ಆಡಳಿತವನ್ನು ಸ್ಥಾಪಿಸುವುದು ಮತ್ತು ಇಸ್ರೇಲ್ ನ ವಾಪಸಾತಿಯನ್ನು ಪೂರ್ಣಗೊಳಿಸುವುದನ್ನು ಇದು ಒಳಗೊಂಡಿದೆ.
ಮಧ್ಯವರ್ತಿಗಳಾದ ಈಜಿಪ್ಟ್, ಕತಾರ್ ಮತ್ತು ಟರ್ಕಿಯಿಂದ ಅನುಮೋದಿಸಲ್ಪಟ್ಟ ಟ್ರಂಪ್ರ ಯೋಜನೆಯಡಿಯಲ್ಲಿ ಗಾಜಾದಲ್ಲಿ ಯುದ್ಧ ನಿಂತಿದೆ. ಆದಾಗ್ಯೂ, ಗಾಜಾ ನಗರದ ಆಗ್ನೇಯ ದಿಕ್ಕಿನಲ್ಲಿ ಇಸ್ರೇಲಿ ಸೈನಿಕರು ಏಳು ಮಕ್ಕಳು ಮತ್ತು ಮೂವರು ಮಹಿಳೆಯರು ಸೇರಿದಂತೆ ವಾಹನದ ಮೇಲೆ ಗುಂಡು ಹಾರಿಸಿದಾಗ 11 ಜನರು ಸಾವನ್ನಪ್ಪಿದ್ದಾರೆ ಎಂದು ಗಾಜಾದ ನಾಗರಿಕ ರಕ್ಷಣಾ ಸೇವೆ ಶುಕ್ರವಾರ ತಿಳಿಸಿದೆ.
ಘಟನೆಯ ಬಗ್ಗೆ ಇಸ್ರೇಲಿ ಮಿಲಿಟರಿ ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ. ಮತ್ತೆ ಇಸ್ರೇಲ್ ಕದನ ವಿರಾಮವನ್ನು ಉಲ್ಲಂಘಿಸಿದೆ ಎಂದು ಹಮಾಸ್ ಅರೋಪಿಸಿದೆ.
7 ಅಕ್ಟೋಬರ್ 2023 ರಂದು ಇಸ್ರೇಲ್ ಮೇಲಿನ ದಾಳಿಯ ಸಮಯದಲ್ಲಿ ಹಮಾಸ್ ಇತರರೊಂದಿಗೆ ಸೆರೆಹಿಡಿದ 20 ಜೀವಂತ ಒತ್ತೆಯಾಳುಗಳನ್ನು ಈ ವಾರದ ಆರಂಭದಲ್ಲಿ ಗಾಜಾದಿಂದ ಹಿಂತಿರುಗಿಸಲಾಯಿತು.
ಪ್ಯಾಲೆಸ್ಟೀನಿಯಾದವರಿಗೆ ಒಳಗೆ ಮತ್ತು ಹೊರಗೆ ಹೋಗಲು ಅವಕಾಶ ಮಾಡಿಕೊಡಲು ಈಜಿಪ್ಟ್ನೊಂದಿಗೆ ಗಾಜಾದ ರಫಾ ಕ್ರಾಸಿಂಗ್(Gaza’s Rafah crossing) ಅನ್ನು ಪುನಃ ತೆರೆಯಲು ತಯಾರಿ ನಡೆಸುತ್ತಿದೆ ಎಂದು ಇಸ್ರೇಲ್ ಗುರುವಾರ ಹೇಳಿದೆ, ಆದರೆ ಕದನ ವಿರಾಮದ ಉಲ್ಲಂಘನೆಯ ಬಗ್ಗೆ ಹಮಾಸ್ನೊಂದಿಗೆ ದೂಷಿಸಿದ ಕಾರಣ ಯಾವುದೇ ದಿನಾಂಕವನ್ನು ನೀಡಲಿಲ್ಲ.
ಯೋಜನೆಯ ಇತರ ಬಗೆಹರಿಸಲಾಗದ ಅಂಶಗಳು ಉಗ್ರಗಾಮಿಗಳ ನಿಶ್ಯಸ್ತ್ರೀಕರಣ ಮತ್ತು ಗಾಜಾದ ಭವಿಷ್ಯದ ಆಡಳಿತವನ್ನು ಒಳಗೊಂಡಿವೆ ಎಂದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆ ಆಗುತ್ತಿದೆ.
